Urugo rubuzemo imibonano mpuzabitsina ruba ruri mu manegeka –Ayanone Solange

 

Mu biganiro bibera ku mbuga nkoranyambaga cyane cyane Twitter, mu minsi ishize hariho insanganyamatsiko igira iti “Ese imibonano mpuzabitsina ni inkingi ya mwamba  mu kubaka  urugo ?” Bamwe mu bagaragaje aho bahagaze  kuri iyi ngingo harimo n’Umunyamakurukazi Ayanone Solange ,uzwi cyane mu Itangazamakuru ryo mu Rwanda  na mpuzamahanga  ahanini bitewe n’ igihe amaze muri uyu mwuga .

Umunyamakurukazi Solange Ayanone ati “nta mibonano mpuzabitsina ruba ruir mu manegeka “(archives)

Mu gitekerezo cye Ayanone Solange agira ati “urugo rubuzemo imibonano mpuzabitsina ruba ruri mu manegeka .Muhinduka mushiki na musaza ;yego urugo si imibonano gusa ariko iyo ibuze ntiruba rukiri urugo  rwuzuye .

 Solange asoza ubutumwa bwe agira ati “ Imibonano mpuzabitsina ni inkingi ya mwamba  mu kubaka urugo.”

Kuri iyi ngingo hari abasigaye  bibaza niba koko  “agaciro k’uwo mwashakanye kabarirwa mu mibonano mpuazabitsina “ ndetse bamwe bakanemeza ko ngo “ ibitsina bihura nyuma yo guhuza kwa ba nyirabyo “.

Ni ingingo yatinzweho na bamwe mu bakoresha twitter  bibaza impamvu abantu bakunze guha agaciro cyane imibonano mpuzabitsina  nk’ikintu cy’ibanze mu kubuka urugo; nyamara atari cyo cyonyine kiba gikenewe mu rugo.

Uwitwa Popote we yagize ati “kuki ari byo byitwa kubaka urugo /gutera akabariro kandi mu byukuri rwubakwa na byinshi ?”

Uwiyise Papa Keza kuri twitter ati “biterwa n’irari rya buri muntu ariko imibonano mpuzabitsina si yo yibanze nubwo iba ikenewe “ . We asanga icyo yakwita inkingi ya mwamba mu kubaka urugo ari “impamvu  n’intego abarwubatse basangiye .Ati “imwe mu mpamvu zo kubaka urugo harimo kororoka; “ nubwo hari bagenzi be benshi bagaragaza ko  ngo “kororoka bitagombera  kubaka urugo”

Hari n’abagereranya imibonano  mpuzabitsina n’umunyu wo mu biryo.Umwe muri bo ati “Umunyu mu biryo iyo ubuze biba ikibazo , ibiryo ntibiryoha , ni kimwe n’urugo rwabuzemo imibonano mpuzabitsina ,usanga rutuzuye rutameze neza.”

Ese mwebwe  iki kibazo mu kibona mute ? Imibonano mpuzabitsina niyo nkingi ya mwamba mu kubaka urugo ? Ganira na bagenzi bawe wohereza igitekerezo cyawe kuri iyi nkuru, tugisangize abandi .

Ubwanditsi @Valuenews.info

Leave a Reply

Your email address will not be published. Required fields are marked *