Tanzaniya: Umuyobozi w’ikigo gipima coronavirus yasezerewe ku kazi

 

Yanditswe na UMUHIRE Valentin

 

Umuyobozi w’ikigo cyo muri Tanzaniya gishinzwe gusuzuma no gupima ibijyanye n’indwara (laboratoire) hamwe n’ushinzwe  ubuziranenge muri icyo kigo birukanywe.

Perezida Magufuli yavumbuye ko ikigo gipima coronavirusi kibeshya ibipimo

Iyirukanwa ry’abo bayobozi ribaye nyuma y’umunsi umwe Perezida John Magufuli agize amakenga ku bikoresho bifashisha mu gupima coronavirus muri icyo kigo.

Mu butumwa bwanyuze kuri television, ari mu mujyi avukamo wa Chato, Perezida  Magufuli yavuze ko mu buryo bw’ ibanga yohereje ibipimo  by’inyamaswa n’ibihingwa babihaye amazina y’abantu kugira ngo bipimwe  maze agatungurwa no kubona ikigo gishinzwe gupima coronavirus cyaragaragaje ko  ibyo bipimo bimwe byaje bigaragaza ko bimwe byanduye ibindi bitanduye COVID19.

Perezida Magufuli avuga ko ibyo bipimo  bimwe byakuwe ku  nyamaswa bikaba byaragaragaje ibisubizo biteye amakenga by’imikorere y’abapima Coronavirus muri icyo gihugu  byonyine kuba batabasha gutandukanya ko ibipimo runaka ari iby’abantu cyangwa inyamaswa , ahubwo bakagaragaza ibisubizo bemeza ko ari iby’abantu !

Yifashishije ingero Magufuli yagize ati “biratangaje kandi biteye agahinda  kubona nk’amavuta y’imodoka yahawe izina rya Jabir Hamza w’imyaka 30 barasanze atarwaye,ariko ayo twise Sara Samweli umugore w’ imyaka 45 ibisubizo bye bikaba ntacyo byagaragaje !

Twohereje ibipimo bivuye ku ipapayi twise Elizabeti Anne w’ imyaka 26 , bavuga ko iyo papayi irwaye coronavirus”

Magufuli akomeza avuga ko hari n’ ibipimo byavuye kun yoni  ndeste n’ ihene  maze abaganga bagaragaza ko byanduye  mu gihe ibindi bipimo byavuye ku rukwavu  nta gisubizo byatanze .

Kuri ubu hashyizweho itsinda ry’abantu 10 bagiye gukora iperereza  kuri icyo kigo rikazatanga raporo kuitariki ya 13 Gicurasi 2020.Gusa ngo icyo kigo kirakomeza gipime abantu.

Uburyo bwo kurwanya  coronavirus muri Tanzaniya bwakomeje gukemangwa  bitewe ngo nuko bikorwa mu ibanga rikomeye ariko Leta y’ icyo gihugu ikaba yarabyamaganiye kure ikavuga ko ibyo ikora igendera ku mabwiriza y’ ishami ry’ umuryango w’ abibumbye ryita ku buzima OMS

Abantu 480 nibo bamaze kwandura coronavirus muri Tanzania ,muribo 167 barakize abandi 16 barapfa.

 

Leave a Reply

Your email address will not be published. Required fields are marked *