Gitifu wa Mataba Mbonyinshuti Isaie yafunguwe  

Yanditswe na Setora Janvier

 

Umunyamabanga nshingwabikorwa w’ umurenge wa Mataba mu Karere ka Gakenke Mbonyinshuti Isaie  wari umaze iminsi 12 atawe muri yombi , kuri uyu wa mbere ubushinjacyaha   mu rukiko rwisumbuye rwa Musazne bwamurekuye .

Ubushinjacyaha buvuga ko mu iperereza bwakoze ndetse bunashingiye kubyavuzwe n’abatangabuhamya  bwasanze ibyo Gitifu Isaie aregwa nta shingiro bifite

Bushingiye ku ngingo ya 94.105 na 107 z’ itegeko  rigenga imiburanishirize y’ imanza nshinjabyaha , ubushinjacyaha bwafashe icyemezo cyo kumurekura byagateganyo.

Ku cyaha cy’ amacakubiri , kimwe mu byaha yaregwaga , ubushinjacyaha buvuga ko  nta hantu hagaragazwa  Gitifu Isaie yaba yaragikoreye , ndetse  ngo nkuko binemezwa na Perezida wa Ibuka mu Karere ka Gakenke , Gitifu Isaie akaba yaragize uruhare rukomeye muri gahunda y’ ubumwe n’ ubwiyunge mu murenge wa Mataba.Ngo “ yashinze ishyirahamwe rihuriweho n’abarokotse Jenoside yakorewe Abatutsi ndtse n’abayikoze bafatanije na Neretse Fabien uherutse  guhamywa ibyaha bya Jenoside n’ Urukiko rwa rubanda  rwo mu Bubilgi.”

Ku cyaha cya ruswa , ubushinjacyaha buvuga ko butabonye ibimenyetso simusiga bimuhamya icyaha  bityo bukba bwafashe icyemezo cyo kumurekura akajya yitaba ubushinjacyaha mu gihe ari ngombwa kandi hagishakishwa ibindi bimenyetso.

 

Leave a Reply

Your email address will not be published. Required fields are marked *