Musanze : Gitifu w’Umurenge wa Cyuve n’abandi bayobozi barafunze bazira gukubita abaturage

Yanditswe na UMUHIRE Valentin

 

Umunyamabanga nshingwabikorwa w’ umurenge wa Cyuve mu karere ka Musanze Bwana Sebashotsi Jean Paul araye muri kasho hamwe n’umunyamabanga nshingwabikorwa w’ Akagari ka Kabeza ndetse na ba Dasso bazira gukubita abaturage .

Aha Gitifu na ba Dasso bari gukubita umuturage Nyirangaruye Clarisse 

Amakuru  atangazwa n’urwego rw’ ubugenzacyaha  binyujijwe ku rukuta  rwa Twitter aravuga ko Gitifu  Sebashotsi  hamwe na gitifu w’ Akagari ka Kabeza Bwana Tuyisabimana Jean Leonidas , ndetse  na ba Dasso  Nsabimana Anaclet na Abiyingoma Sylvain  bakurikiranyweho icyaha cyo gukubita no gukomeretsa  Dushime Jean Baptiste na Nyirangaruye Uwineza Clarisse .Kuri ubu bafungiye kuri station ya police ya Muhoza mu Karere ka Musanze  mu gihe  hagikorwa iperereza ngo  dosiye ishyikirizwe ubushinjacyaha .

Amakuru agera kuri Value News aravuga ko aba bayobozi bakubise abaturage babaziza kutambara agapfukamunwa ndetse no kutubahiriza amabwiriza yo kwirinda COVID-19.Umwe mu baturage batuye mu kagari ka Remera yabwiye Value News ati “inkoni iravuza ubuhuha kubera COVID-19.Dasso arakubita uko ashaka , gitifu agakubita , umunyerondo agakubita mbese ntabwinyagamburiro umuturage afite,mudutabare pe .”

Abaturage bagaya imyitwarire abayobozi bagaragaje imbere yabo

Umubyeyi wa Nirangaruye Clarisse wakubiswe bikomeye n’abayobozi yabwiye Value News ko yatunguwe n’ibyakozwe n’abayobozi kuko atakekaga ko abayobozi bakora nk’ibyo bakoreye umukobwa we .Agira ati “ baraje ku manywa y’ ihangu nka saa yine bahera kuri musaza we ngo ntiyambaye agapfukamunwa ,bashaka kumutwara mushiki we ababaza impamvu bashaka kumutwara ababaza icyaha yakoze , batangira kumukubita abaturage baratabara.

Clarisse wakubiswe ari kwa muganga 

Uyu musaza Karemera avuga ko kuba byarakozwe n’abayobozi ari igisebo gikomeye agasaba ko bafatirwa ibihano .Ati’kuba umuyobozi atinyuka agafata ikibando agahuragura umwana w’ umwari nkuriya  ni ikibazo gikomeye .Amategeko agomba kuturenganura ”

Uyu muturage nawe yakubiswe n’abanyerondo ngo yarenze ku mabwiriza bamumena umutwe 

Hashize iminsi ibiri VALUE NEWS ibagejejeho inkuru y’ umuturage wakubiswe n’abanyerondo  bakanamukomeretsa bikomeye bitewe nuko ngo  atubahirije amabwiriza ajyanye no kwirinda COVID-19 .Ubuyobozi bw’umurenge wa Cyuve  bwanze kugira icyo  buvuga kuri iki kibazo cy’abaturage bakubitwa  umunsi ku wundi , none birangiye bamwe mu bayobozi batawe muri yombi  kubera iki  cyaha .

 

 

3 Replies to “Musanze : Gitifu w’Umurenge wa Cyuve n’abandi bayobozi barafunze bazira gukubita abaturage”

  1. Gitifu yashishikaye erega sinakubwira wagira ngo bizongera amanota y’imihigo. Ubu se Nk’uyu niyirukanwa ko mbona anakuze araba uwa nde koko?

  2. Aba baturage nabo bagomba gukurikiza amabwiRiza yo kwambara masks bakirinda kandi bakarinda nabandi.naho gukubitwa byo ntabwo aribyo gukubita umuntu.

Leave a Reply

Your email address will not be published. Required fields are marked *