Bitunguranye, abamotari ntibakigiye mu muhanda  kuri uyu wa mbere

Yanditswe na UMUHIRE Valentin

 

Kuri uyu wa mbere tariki ya 01 Kamena 2020, abamotari  benshi hafi ya bose bariraye ku ibaba   kugirango bazindukire mu kazi nyuma y’amezi asaga abiri  bari muri gahunda ya Guma mu rugo  yatewe n’ icyorezo cya COVID-19 ariko ntibiri bushoboke kuri uyu wa mbere nkuko byari biteganijwe .

Nyuma y’ imyiteguro  myinshi , inama z’urudaca , ibiganiro  mu bitangazamakuru bitandukanye  bibakangurira uburyo bagomba kwitwara mu muhanda kuri uyu wa mbere, itangazo ryaturutse mu biro  bya Minisitiri w’ Intebe binyuze ku rukuta rwa Tweeter  mu ijoro ryo kuri iki cyumweru ryahagaritse  gusubira mu muhanda ku bamotari  kwari guteganijwe mu rukerera rwo kuri uyu wa mbere isaa kumi n’ imwe .Si abamotari gus kandi kuko  n’ ingendo zituruka mu Ntara zerekeza mu mujyi wa Kigali  zongeye gusubikwa  byose  bikaza kugenwa n’inama y’abaminisitiri izaterana ku wa kabiri tariki ya 02 Kamena

Iryo tangazo rigira riti “ “Nyuma y’isesengura, ingendo hagati y’intara zitandukanye, hagati y’intara n’Umujyi wa Kigali hamwe na moto zitwara abagenzi biracyabujijwe mu rwego rwo kurengera ubuzima bw’abaturage. Ingamba nshya zo kurwanya Covid-19 zizatangazwa n’Inama y’Abaminisitiri yo ku wa 2 Kamena 2020.”

Iiri tangazo ryatangiwe  kuri Twitter  ryaje rikurikiranye  n’otangazwa ry’ ibiciro  bishya by’ ingendo mu Ntara  no hagati y’ intara n’ Umujyi wa Kigali  ndestse n’ itangazo rya Minisiteri y’ Ubuzima  risaznwe rimenyekanisha uko icyorezo cya COVID-19 gihagaze buri munsi .

Minisiteri y’ Ubuzima ikaba kuri iki cyumweru yatangaje ko mu Rwanda abarwayi biyongereyeho abandi  11 bityo  bakaba batumye umubare ugera kuri 381 ndeste mu ijoro ryo ku wa gatandatu hakaba haratangajwe umuntu umwe wamaze guhitanwa na COVID-19.Amakuru dukesha ikinyamakuru umuyoboro.rw aravuga ko umunyarwanda wa mbere wishwe na COVID19 ari umusaza wabaga muri Tanzania ari ho akorera ariko agatwara imodoka zo mu Rwanda.Ngo  yarwariye muri Tanzania ahitwa Benako aba ari naho arembera  agaruka mu Rwanda  tariki ya 28 z’uku kwezi kwa gatanu arembye cyane ari nabyo byaje ku muviramo urupfu.

Uwishwe bwa mbere na COVID-19 mu Rwanda yashyinguwe mu irimbi ry’i Nyamirambo (photo”Umuyoboro.rw)

Bamwe mu basesenguzi baravuga ko iyi mibare yatangajwe  mu ijoro ryo kuri  iki cyumweru ariyo ishobora kuba yabaye nyirabayazana wo guhagarika izi ngendo zo mu ntara  no gusubira mu muhanda kw’abamotari .

Minisiteri y’Ubuzima  imaze iminsi itangaza ko  mu Rwanda nta bwandu bw’imbere  mu gihugu buhari, ko abarwayi bose bagenda baboneka bari  mu byiciro bitatu  birimo abashoferi b’amakamyo abacuruzi bambukiranya imipaka  n’abanyarwanda batahuka kandi ko bose baza bagashyirwa mu kato .

Itangazo ry’ ibyemezo by’inama y’abaminisitiri yateranye ku wa 18/05/2020 niryo ryari ryavuze ko ingendo hagati y’Intara n’Umujyi wa Kigali  ndeste no gusubira mu muhanda kw’abamotari  bitangira none tariki ya mbere Kamena .Ibi kandi byari byanashimangiwe ko ariko bimeze  n’ itangazo rigenewe abanyamakuru rya Polisi y’igihugu ryo ku wa 31 Gicurasi 2020 rigira  riti “ nkuko byatangajwe  mu itangazo ryashyizwe ahagaragara  nyuma y’ inama y’abaminisitiri  yo ku wa 18 Gicurasi 2020, polisi y’ u Rwanda iramenyesha abaturarwanda ko ejo tariki ya mbere Kamena 2020, Moto zizatangira gutwara abagenzi , inegndo hagati y’ Intara  zitandukanye  n’ Umujyi wa Kigali  zizasubukurwa  ariko hubahirizwa amabwiriza  yokwirinda ikwirakwizwa rya Coronavirus”

iri tangazo rikomeza  ritanga amabwiriza rinaburura abamotari ibyo bagomba kubahiriza  ariko byose birangiye  bidakunze ko bazindukira mu muhanda  ahubwo ko bagomba gutegereza ibyemezo bishya bigomba gufatwa n’inama y’abaminisitiri izaterana ku wa kabiri tariki ya 02 Kamena 2020.

Urwego rw’ igihugu  rushinzwe kugenzura imirimo imwe n’ imwe ifitiye igihugu akamaro RURA mu itangazo rwashyize ahagaragara ,narwo  rwari rwamaze gutangaza  ko rushingiye ku myanzuro y’inama y’abaminsiitiri  yo ku wa 18/Gicurasi /2020 ku bijyanye n’isubukurwa ry’ingendo  zambukiranya intara  ndeste an serivisi zo gutwara abagenzi  kuri moto  zizasubukurwa tariki ya 01 Kamena 2020, hatangajwe urutondo rw’ ingendo  zambikiranya Intara ndeste n’ibiciro   ndetse n’andi mabwiriza yerekeranye n’ingendo .Ibi byose ariko bikaba byasubitswe hakagombera gutegereza imyanzuro izafatwa n’inama y’ abaminisitiri yo kuri uyu wa kabiri tariki ya 02 Kamena 2020.

 

 

 

 

 

Leave a Reply

Your email address will not be published. Required fields are marked *