Bugesera :Bishimira uburyo Water Aid yababaye hafi muri ibi bihe  bya COVID-19

Yanditswe na UMUHIRE Valentin

 

Umuyobozi w’ Akarere ka Bugesera Bwana Mutabazi Richard  avuga ko nubwo  hari abafatanyabikorwa  basanzwe bakorana n’Akarere mu bikorwa by’ iterambere ry’abaturage , ariko hari abigaragaje cyane mu gufasha aka karere guhangana n’ icyorezo cya COVID0-19 harimo n’umuryango  mpuzamahanga utari uwa Leta  Water Aid.

Mu nama  murika bikorwa iherutse  guhuza izi nzego zombi, Mayor Mutabazi yagize ati “Water Aid yabaye umufatanyabikorwa  mwiza cyane muri ibi bihe , nababwiza ukuri hand washing stations  zatangiriye navuga ngo muri aka karere.Ubwo COVID 19 yageraga mu gihugu mu nama ya mbere twakoze nk’abayobozi ikintu cya mbere badusabye kwari ugutegura   aho abantu bagomba gukarabira intoki, twe rero  twari twaramaze kuzuza eshatu iya hano ku biro by’akarere, iyo ku mupaka wa Nemba n’iyo ku bitaro bya Nyamata , byose kubera Water Aid”

Mayor Mutabazi avuga ko COVID-19 yaje ubusanzwe  baramaze kugira igitekerezo cyo kubaka ahakarabirwa intoki  cyane cyane ahahurira abantu benshi kubera icyorezo cya Ebola .

Aho bakarabira intoki ku biro by’Akarere ka Bugesera 

Water Aid ivuga ko kuri ubu ishishikajwe no gufatanya n’aka karere mu gufasha abaturage kunoza isuku  kugira ngo barusheho kwirinda ikwirakwizwa rya COVID-19.Umuyobozi ushinzwe ibikorwa muri Water Aid –Rwanda Bwana Mbarushimana Jean Paul  agira ati “ muri uyu mwaka w’ ingengo y’ imari tuzaruhaho kegereza abaturage ibikorwa by’ isuku kuko ubu ngubu isuku n’ isukura  biri mu by’ibanze muri uru rugamba rwo guhangana na COVID-19.Twabihaye agaciro gakomeye rero”

Water Aid kandi yashyikirije Akarere ka Bugesera  litiro 1960 z’isabune yo gukaraba intoki  ndetse n’umuti ukoreshwa mu gusukura intoki (hand sanitizer ) litiro 1040 zikazakoreshwa mu bigo nderabuzima n’ ibitaro  ndetse n’ahandi hahurira abantu benshi bakaneye gusukura intoki zabo .

Umuyobozi wungirije w’ Akarere ka Bugesera ushinzwe imibereho myiza y’abaturage  Madame Imanishimwe Yvette  avuga ko muri iki gihe cya COVID 19 Water Aid  yababaye hafi ndetse akanishimira  n’iteganyabikorwa baberetse muri uyu mwaka w’ ingengo y’ imari  birimo no kwagura ibikorwa byo gufasha abaturage kugira isuku,  banubakira  ibigo by’amashuri aho gukarabira intoki .Ati “ turizera ko amashuri azajya gutangira mu kwa cyenda byose bimeze neza kugira ngo gukaraba intoki tubigire umuco”

Visi Meya Yvette Imanishimwe  aganira na Lambert Karangwa impuguke  m isuku n’ isukura/Water Aid kuri gahunda y’ ibikorwa bagiye gufatanya muri uyu mwaka

Ubusanzwe Water Aid isanzwe ari umufatanyabikorwa w’ akarere ka Bugesera mu birebana n’ ibikorwa by’ isuku n’ isukura no kwegereza amazi meza abaturage .Ibi kandi bikanajyana no kwigisha abaturage  binyuze mu itangazamakuru kwita ku isuku , igikorwa cyifujwe ko cyakongerwamo ingufu  kuko bamaze kubona impinduka  cyagize cyane cyane muri ibi bihe abaturage bari barasabwe kuguma mu ngo .

 

Leave a Reply

Your email address will not be published. Required fields are marked *