Minisiteri y’Ubutabera niyo yonyine yubahirije inama z’umugenzuzi  w’imari ya Leta 100%

Yanditswe na Karegeya Omar

 

Mu gushyira mu bikorwa imyanzuro y’umugenzuzi mukuru w’imari ya Leta, Minisiteri y’ubutabera niyo yonyine yabigezeho 100%, naho WASAC (ikigo gishinzwe amazi, isuku n’isukura) kibikora ku kigero cya 19%.

Buri mwaka w’ingengo y’imari, umugenzuzi mukuru w’imari ya Leta agenzura ibigo, minisiteri n’uturere; bikoresha imari ya Leta. Mbere yo gukora raporo ishyikiriza abadepite, aha inama abagenzuwe bagomba gukurikiza.

Mu bigo byagenzuwe mu 2019, harimo 67 bitabashije kugeza kuri 50%, naho ibindi 50 byarengeje 60%. Gusa harimo na 29 bifite hagati ya 50 na 60%, mu gihe hari ibindi bishya byagenzuwe bidasanganywe imyanzuro. Ibyo ni nka NIRDA, RISA, FONERWA na NECDP. Ibigo nka WASAC, RSSB na FARG byo ntibyanagejeje kuri 30%; kandi akarere karengeje 75% ni Musanze yonyine.  Ndlr: Urutonde rukurikira ntiharimo imishinga yagenzuwe.

Ibigo n’uturere byarengeje 60%

MINIJUST: 100%

RMF (ikigega cyo gusana imihanda): 80%

Musanze: 75%

NCC: 75%

Ruhango: 64%

Rusizi: 63%

Rulindo: 62.1%

LODA: 62%

Nyaruguru: 60.7%

Gicumbi: 60%

Rwamagana: 60%

Ibigo n’uturere biri hagati ya 50 na 60%

Karongi: 59%

MINEDUC: 58%

MINISANTE: 58%

Kamonyi: 57%

Rubavu: 57%

Gisagara: 56%

Huye: 55.3%

RLMUA(Land Use): 55%

Nyagatare: 55%

Nyarugenge: 54%

Nyanza: 54%

Gatsibo: 53%

RAB: 52%

Gasabo: 51%

Burera: 50%

Ibigo n’uturere bitagejeje 50%

WASAC: 19%

RSSB: 23%

FARG: 28%

Ngororero: 31%

UR: 31%

WDA: 34%

HEC: 35%

Nyamagabe: 37%

Kayonza: 38%

CHUB: 38%

RBC: 39%

Muhanga : 41%

Nyabihu: 42%

RTDA: 42%

NAEB: 46%

REB: 46%

Gakenke: 47%

Ngoma: 47%

Kirehe: 49%

RP (Rwanda Polytechnic): 49%

Bugesera: 49%

Hari ibigo n’uturere bihora bigaruka mu kutubahiriza neza imyanzuro biba byahawe n’abagenzuzi, hari n’Intara ziba ziganjemo uturere tutayubahiriza uko bikwiye. Umuryango urwanya ruswa n’akarengane Transparecy International Rwanda ukora isesengura ryimbitse kuri raporo iba yakozwe n’umugenzuzi mukuru w’imari ya Leta buri mwaka.

Umuyobozi nshingwabikorwa wawo, Mupiganyi Apolinnaire avuga ko baba bagamije kwereka abaturage uko umutungo wabo ukoreshwa. Ati, “Iriya raporo akenshi yerekwa abadepite, ahanini iba inakozwe mu ndimi z’amahanga. Twe nka Transparency tuyishyira mu Kinyarwanda kandi tukayegereza ba nyir’ingengo y’imari ari bo baturage. Abajyanama bakabona ibyuho biri mu micungire y’umutungo, bakanamenya amafaranga yabo yanyerejwe ndetse n’abayanyereje”.

Uyu muyobozi anavuga ko ikigamijwe aba ari no guhwitura abakoresha umutungo wa Leta ngo bagire ibyo bakosora, akanemeza ko bitanga umusaruro kuko imikorere igenda ihinduka.

 

 

 

Leave a Reply

Your email address will not be published. Required fields are marked *