Musanze : Abaturage  bakomeje kwinubira  ihohoterwa   bakorerwa  n’abayobozi bitwaje COOVID-19

Abaturage bo mu karere ka Musanze barinubira ibikorwa bibi bakorerwa n’abayobozi  bitwaje  icyorezo cya Covid-19 aho bavugako barambiwe  guhira bakubitwa ndetse  bikabaviramo no  n’uburwayi budakira.

Ku wa  gatanu, tariki ya 18/09/2020, umugabo witwa Mbonyimana Fidele ukora akazi ko gucunga umutekano  mu ruganda rwenga inzoga rwa Rwabukamba Jean Marie Vianney  bita Rukara utuye mu  kagari  ka Gisesero, umurenge wa Busogo , yatwawe mu modoka na Gitifu w’umurenge wa Busogo Aimable  Nsengimana amukuye mu kazi ke ariko kugeza ubu ubwo VALUE NEWS yakoraga iyi nkuru uyu  mugabo ari mu bitaro bya Ruhengeri.

Impamvu ngo ni iyihe?

VALUE NEWS  ikimenya inkuru yanyarukiye ku bitaro bya Ruhengeri aho Mbonyimana Fidele arwariye ayitangariza ko atazi uburyo yageze muri ibi bitaro. Gusa ku bw’amatsiko menshi  umunyamakuru wa  VALUE NEWS yanyarukiye mu kagari ka Gisesero mu murenge wa Busogo iganira na bamwe  mu baturage bazi imvo n’imvano yo kujyanwa mu bitaro kwa Mbonyimana Fidele.

Nubwo basabye  VALUE NEWS ko amazina atatangazwa k’ubw’umutekano wabo , umwe muri bo ukora umurimo wo gucunga umutekano  muri Kaminuza  y’u Rwanda , ishami rya CAVEM wabibonye agira ati “ Mbonyimana Fidele yari mu kazi ku rugo rwa Rwabukamba  Jean Marie Vianney alias Rukara, haje umunyamabanga nshingwabikorwa  w’umurenge wa Busogo  abona umwana wa Rwabukamba asohotse mu rupangu atambaye agapfukamunwa arahagarara ariko wa mwana yikanze imodoka ihagaze  arirukanka yigira mu nzu yabo.”

Umwe mu bashinzwe  umutekano bazwi nka DASSO witwa  Uzatsinda abwira  uyu warushinzwe umutekano  kwa Rwabukamba   gukingura akinjira mu rupangu gufata uwo mwana.  Umunyamutekano Mbonyimana Fidele yangiye uwo mudaso (DASSO)   kwinjira mu rupangu aribwo hatangiye kuvuka  amakimbirane hagati yabo.

Aya makimbirane  ntiyarangiriye aho kuko umunyamabanga nshingwabikorwa  ngo yasabye  Rwiyemezamirimo Zawadi  wubakira  Rwabukamba  , uwitwa Gisele   ndetse n’uyu  Mbonyimana Fidele ko binjira mu modoka ye

Ngo ntibyakunze ko  uyu Mbonyimana Fidele  abona umwanya mu modoka imbere kuko ngo byabaye ngombwa ko Gitifu  amushyira muri Butu y’imodoka arapfundikira abatwara ku murenge wa  Busogo kubafunga nkuko abaturage bakomeza babivuga.

Imodoka ikimara gutsimbura  ijya ku murenge  wa Busogo, Mbonyimana  Fidele yafashe umwanzuro  wo gusimbuka imodoka  yikubita hasi arakomereka bikomeye ariko Gitifu Aimable  amujyana kwa muganga mu bitaro bya Ruhengeri ari naho akirwariye kugeza ubu .

Umunyamabanga nshingwabikorwa  w’umurenge  wa Busogo Aimable Nsengimana  yabwiye VALUE NEWS ko uyu mugabo koko  yatwawe  ku murenge  wa Busogo na bagenzi be kugira ngo  bacibwe amande  kubera kutagira inama umwana warutambaye agafukamunwa gusa ngo umuryango  w’imodoka waje gufunguka  arahanuka.

Agira ati “ Naramufashe koko mushyira mu modoka imbere ariko ntiyafunga neza umuryango , tugeze mu muhanda wa Kaburimbo Musanze –Rubavu urugi rurafunguka yikubita  hasi ariko natangiye inzira zo gukurikirana uburyo  yavurwa ndetse namaze no kudekarara ( Declarer) ku ku kigo cy’ubwishingizi cya SORAS kugira ngo hazishyurwe ibikenewe byose.”

Umugore wa  Mbonyimana Fidele aganira na VALUE NEWS yavuze  ko ubutabera bwakurikirana  ikibazo cy’umugabo we  Gitifu agasobanura impamvu yari atwaye umugabo we  ngo amujyane kumufunga kandi nt cyaha yari afite.

Ati “ Umugabo wanjye  yavuye mu rugo agiye mu kazi ariko kumusanga mu bitaro  byarantunguye kuko ntazi uburyo yagezeyo. Ndasaba ubutabera  kubkurikierana kandi agahabwa ubutabera bwuzuye.”

Mu karere ka Musanze , uyu Gitifu  Aimable Nsengimana  abaye uwa gatatu  ukekwaho  guhohotera umuturage  nyuma ya bagenzi be  Twagirimana Innocent  uyobora umurenge wa Kinigi  na Sebashotsi Gasasira Jean Paul  wayoboraga umurenge wa Cyuve, bose bakaba bagikurikiranwa n’inkiko ku byaha bakekwaho.

SETORA Janvier.

Leave a Reply

Your email address will not be published. Required fields are marked *